Patay ang tatlong drug suspects kabilang ang isang barangay kagawad sa magkakahiwalay na anti – illegal drugs operation sa Koronadal City.
Nakilala ang mga suspek na sina Jaime Sunga, Reynaldo Navarro at John Erwin Magbanua na pawang residente ng barangay New Pangasinan.
Ayon kay Central Mindanao Police Director Chief Superintendent Marcelo Morales, , isisilbi sana ng mga tauhan ng Regional Police Drug Enforcement Unit ang search warrant sa bahay ni Sunga na “incumbent barangay kagawad” ngunit nang papalapit sila rito ay pinaputukan sila ng mga bala ng baril.
Nakipagpalitan naman ng putok ang mga pulis dahilan para masawi sina Sunga at Navarro.
Habang patay naman sa hiwalay na operasyon sa kaparehong barangay si Magbanua matapos itong manlaban sa mga pulis.
