Nagpatupad na rin ng dagdag presyo ang Petron at Solane sa kanilang Liquefied Petroleum Gas (LPG), ngayong unang araw ng Hunyo.
Epektibo kaninang alas 12:00 ng hatinggabi nang ilarga ng Petron ang dagdag 3 Pesos at 40 Sentimos sa kada kilo ng LPG habang Piso at 90 sentimos sa Auto-LPG.
Ilalarga naman ng Solane ang dagdag 3 Pesos at 35 Sentimos sa kada kilo ng LPG, mamayang ala 6:00.
Ang pagsirit sa presyo ng LPG ay bunsod ng paggalaw ng contract prices nito sa international market.
