Nagbanta si Labor Undersecretary Jacinto Paras na kanyang kakasuhan si Akbayan Party-List Rep. Tom Villarin dahil umano sa paninira nito sa kanya.
Ayon kay Paras, ginagamit lamang ni Villarin ang plenaryo ng Kamara upang magpakalat ng mga kasinungalingan at akusasyon laban sa kanya.
Kinuwestyon din ng opisyal ng Department of Labor and Employment ang panawagan ng Kongresista na pagbawalan siyang pumasok sa mababang kapulungan ng Kongreso.
Bukod dito, inakusahan ni Paras si Villarin na siyang nagnakaw ng kanyang Iphone X sa mga nakaraang hearing ng Kamara noong Marso.
