Iligal na droga at electrical gadgets.
Ito ang kabilang sa mga nasabat ng mga awtoridad sa ikinasang Greyhound operations sa Mandaue Jail sa Cebu.
Ayon kay Senior Inspector Ricky Romaguera, Deputy Chief ng Opap Police Station nakita ang dalawang pakete ng hinihinalang shabu sa pundidong ilaw na nasa selda ng isang Steve Go.
Nakumpiska rin aniya ang weighing scale, mobile phone, phone chargers, earphone at P64,000 cash na hinihinalang drug money.
Negatibo naman sa ipinagbabawal na gamot ang halos 200 inmates sa female dorm sa nasabing bilangguan.
—-
