Sasalang muna sa seminar at training bukas ang mga tauhan ng PNP Highway Patrol Group bago tuluyang sumabak sa pagmamando sa trapiko sa EDSA sa Lunes.
Ayon sa ulat nasa 96 na pulis ang sumailalim sa naturang training at seminar sa pangunguna ng Metropolitan Manila Development Authority o MMDA.
Kabilang sa mga pinag-aaralan ng mga tauhan ng HPG ang batas trapik, sistema sa yellow at blue lanes sa EDSA at jaywalking violations.
Sinabi ng MMDA na taong 1995 pa nang huling sumabak sa pagmamando ng tapiko ang HPG kung saan marami nang regulasyon ang nagbago sa mga ito.
By Ralph Obina
