Isang Overseas Filipina Worker sa Dhahran, Saudi Arabia ang nagpapasaklolo sa Philippine Embassy sa Riyadh makaraang pagtangkaan umano siyang gahasain ng anak ng kanyang amo.
Itinago lamang sa pangalang “Jane” ang nasabing OFW na kinunan pa ang sarili ng cellphone video matapos ang tangkang pagpasok sa kwarto ng anak ng kanyang amo upang halayin subalit napigilan matapos niyang tumakbo sa banyo at nagsisigaw.
Bago ang insidente, hiniling ni Jane sa kanyang employer at recruitment agency na payagan siyang makauwi ng Pilipinas.
Sapilitan din umanong pinag-ta-trabaho ang Pinay para sa mga kaanak ng kanyang amo na hindi naman kasama sa pinirmahan niyang kontrata.
Nakarating na sa Overseas Workers Welfare Administration at Department of Foreign Affairs ang reklamo ni Jane.
