Muling inalerto ng embahada ng Pilipinas sa Damascus ang lahat ng mga Pinoy sa Syria.
Ito ay dahil sa nagpapatuloy ang pambobomba ng Syrian army sa kabila ng ulat na susuko na ang Islamic militants sa natitirang hawak nilang lugar malapit sa Damascus.
Dahil dito, pinayuhan ni Charge D’affaires Alex Lamadrid ang tinatayang 500 Pinoy sa Damascus na manatili sa loob ng kanilang bahay at iwasan muna ang bumiyahe hangga’t hindi bumabalik sa normal ang sitwasyon.
Tiniyak din ni Lamadrid na handa ang embahada ng Pilipinas na i-repatriate ang Pinoy na nais nang umalis ng Syria.