Hawak na ni Pangulong Rodrigo Duterte ang shortlist ng pagpipiliang mga bagong opisyal ng Commission on Elections (COMELEC).
Ito ang tugon ni Acting Presidential Spokesman at Cabinet Secretary Karlo Nograles sa ulat na may tatlong COMELEC Executives ang magreretiro bukas, mahigit tatlong buwan bago ang national elections.
Nakatakdang magretiro bukas sina COMELEC Chairman Sheriff Abas, Commissioners Rowena Guanzon at Antonio Kho Jr.
Ayon kay Nograles, “urgent” ang appointment ng mga bagong commissioners lalo’t mababakante na bukas ang mga pwesto nina Abas, Guanzon at Kho.
Gayunman, naka-depende aniya ito kung gaano kabilis ang kongreso na kumpirmahin ang mga bagong appointee.
Bukod sa comelec vacancies, mayroon ding hawak na shortlist si pangulong Duterte para sa posisyong mababakante sa Commission on Audit (COA) at Civil Service Commission (CSC).