Pumanaw na sa edad na 92 ang asawa ni US President George H.W Bush na si dating First Lady Barbara Bush.
Ito ang kinumpirma ng tagapagsalita ng pamilya na si Jim McGrath.
Inulila nito ang 93 taong gulang niyang mister, 5 anak, 17 apo at 7 apo sa tuhod.
Kabilang sa mga anak ng dating unang ginang ang ika-apatnapu’t tatlong Pangulo ng Amerika na si George W. Bush.
Matataandaang Abril 15 nang ianunsyo ng pamilya na hindi maganda ang lagay ng kalusugan ni Barbara Bush at nagpasya itong huwag nang sumailalim sa gamutang medikal.
Sa mga nagdaang taon ay nabatid na dumanas ng Chronic Obstructive Pulmonary Disease o COPD at problema sa puso ang dating unang ginang.
