Tatanggap na ng aplikasyon ang Commission on Elections (COMELEC) para sa mga kakandito sa barangay at Sangguniang Kabataan elections sa Mayo 14.
Ayon kay Director James Jimenez ng COMELEC, maaaring magsumite ng certificate of candidacy (COC) hanggang sa Abril 21.
Sinabi ni Jimenez na sa ngayon ay puspusan na ang pagpapakalat nila ng mga impormasyon tungkol sa barangay at SK elections.
Sa katunayan ay isang mock elections ang kanilang isasagawa sa Tondo Maynila sa Abril 21.
Karaniwan na aniyang mas malaki ang bumoboto at mas interesado ang mga botante sa barangay at SK elections kumpara sa malalaking eleksyon.
—-
