Pinasinayaan sa Manila Cathedral Basilica of the Immaculate Conception ang “blood relic” ni Saint Pope John Paul II.
Ang blood relic ay nakalagay sa isang glass container na nakapaloob sa isang reliquary na eksaktong replica na ginamit sa canonization ng santo noong 2014.
Ibinigay ito ng dating sekretarya ng Santo Papa na si Cardinal Stanislaw Dziwisz sa Manila Cathedral bilang bahagi ng ika-animnapung anibersaryo ng muling pagkakatayo ng simbahan matapos ang ikalawang digmaan.
Pangungunahan ni Archbishop Luis Antonio Cardinal Tagle ang isang misa sa Sabado na susundan ng “film showing” tungkol sa buhay ni Saint Pope John Paul II.
Papayagan ang publiko na makapagdasal malapit sa relic sa Sabado at Linggo hanggang alas-8:00 ng gabi.
—-
