Nais paimbestigahan sa mga awtoridad ni Senadora Grace Poe ang LTO o Land Transportation Office.
Ito’y matapos makatanggap ng impormasyon si Senadora Poe hinggil sa umano’y suhulan sa lto para sa pagpo-proseso ng prangkisa at rehistro ng mga sasakyan.
Ginawa ng Senadora ang pahayag kasunod ng nangyaring trahedya sa Occidental Mindoro nang mahulog sa bangin ang isang unit ng Dimple Star Bus sa bayan ng Sablayan.
Una rito, isinusulong ni Poe ang pagbuo ng isang hiwalay na ahensyang bubusisi sa mga aksidenteng kinasasangkutan ng mga Public Utility Vehicles.
