Nagkainitan sa isang forum sa Maynila sina Atty. Larry Gadon at dating Commission on Human Rights Chairperson Etta Rosales sa gitna ng issue ng impeachment kay Chief Justice Maria Lourdes Sereno.
Ito’y makaraang i-anunsiyo ni Gadon na sa tulong ng sinasabing supermajority sa Kamara ay uusad ang inihain niyang impeachment complaint laban kay Sereno upang makarating sa Senado.
Gayunman, sinupalpal ni Rosales si Gadon dahilan naman ng pagtaas ng boses nito at tinawag pang “komunista” ang dating CHR Chairperson.
Samantala, hindi rin napigilan ni Gadon na mag-side comment sa palitan ng opinyon nina Rosales at Deputy House Speaker Fred Castro at nagbanta pa sa mga komunista.
