Kinikilala ng Department of Transportation o DOTr ang resulta ng pag-aaral na umaabot na sa tatlo at kalahating bilyong piso ang nawawalang kita sa Pilipinas dahil sa traffic.
Ayon kay DOTr Undersecretary Tim Orbos, sinosolusyonan na ito ng Duterte administration sa pamamagitan ng kanilang ‘Build Build Build’ project.
Tinukoy ni Orbos ang pagsasaayos sa operasyon ng Metro Rail Transit o MRT at mga linya ng Light Rail Transit o LRT, paglalagay ng mga tulay, pagpapalawak ng mga kalsada at ang subway sa Metro Manila.
Sinabi ni Orbos na napalawak na rin nila at target na gawing isang libong (1,000) kilometro ang haba ng mga riles sa bansa na dati ay nasa pitumpung (70) kilometro lamang.
“It was really based on a sound study, hindi naman natin kinukuwestyon, in fact sa akin nga po maganda na may ganito tayong gaging para maintindihan natin ang posisyon natin at kung ano talaga ang dapat nating gawin, makita natin na ang ginagawa ng administrasyon ngayon ‘yung focus talaga ay sa ‘Build Build Build’ na alam natin makakadagdag ng problema nang kaunti habang ginagawa pero it’s on the right track, imagine ‘yung buong Pasig river we’re talking of how many bridges, ang target ng ating administrasyon ay mahigit sampu na idadagdag, so tama lang po talaga ‘yun.” Ani Orbos
(Ratsada Balita Interview)
