Sasabayan ng isang job fair ng Department of Labor and Employment o DOLE ang pagdiriwang ng ika-32 anibersaryo ng EDSA Revolution sa Linggo Enero 25.
Ayon kay Labor Secretary Silvestre Bello III, mahigit limang libong (5,000) trabaho ang kanilang handog mula sa labinlimang (15) local employers at recruitment agencies.
Gaganapin ang job fair sa Quezon City Hall Grounds mula alas-8:00 ng umaga hanggang alas-3:00 ng hapon.
Sinabi pa ni Bello na ipamamahagi rin nila sa job fair ang i-DOLE OFW cards.
Maliban sa mga trabaho dito sa Pilipinas, mayroon ding naghihintay na trabaho sa ibang bansa gaya ng Qatar, Bahrain, United Arab Emirates, Papua New Guinea, Australia, New Zealand, Taiwan, at Malaysia.
—-
