Hindi dapat seryosohin ng publiko ang pahayag ni Pangulong Rodrigo Duterte na ipababaril niya sa mga sundalo ang ari ng mga babaeng miyembro ng NPA o New People’s Army.
Ito ang tugon ng Malakaniyang sa harap na rin ng sunud-sunod na batikos laban sa naging pahayag na ito ng Pangulo kamakailan.
Ayon kay Presidential Spokesman Harry Roque, tila hindi na nasanay ang mga kritiko ng kasalukuyang administrasyon gayung mahigit isang taon na ang punong ehekutibo sa puwesto.
Nilinaw ni Roque na ang nais lamang ipabatid ng Pangulo ay ang kahandaan ng pamahalaan na sugpuin ang mga rebelde ngayong tuluyan nang nalusaw ang usapang pangkapayapaan sa pagitan ng gubyerno at ng mga komunista.
Ulat ni DWIZ Patrol Reporter Jopel Pelenio
Posted by: Robert Eugenio
