Aminado ang Eat Bulaga host na si Paolo Ballesteros na nararamdaman na niyang tila napapagod na sa showbiz ang co-host na si Maine “Yaya Dub” Mendoza.
Sa isang press conference sa kanyang upcoming movie na “Amnesia Love” sa Quezon City, sinabi ni Pao na tila nabigla at na-overwhelm si Maine sa pagsabak sa showbiz lalo’t bago pa lamang ito sa industriya ng pinilakang-tabing.
Ito’y matapos ang kontrobersyal na blog post ni Maine sa kanyang social media account.
Natanong din si Paolo hinggil sa estado nina Maine at Alden Richards at inihayag na nagkaka in love-an ang dalawa pero labas na sila kung anuman ang namamagitan sa Pambansang Bae at Dubsmash Queen.
Gayunman, nilinaw naman ni Pao na si Maine lamang ang makapagbibigay linaw sa tunay nitong plano sa kanyang showbiz career.
