Patay ang isang 32-anyos na lalaki makaraang mahigop ito ng Magnetic Resonance Imaging o MRI machine sa loob ng isang pagamutan sa Mumbai, India.
Hindi na nagawang masagip pa ang biktimang kinilalang si Rajesh Maru nang magtamo ito ng matinding pagdurugo sa kaniyang buong katawan sanhi ng naturang insidente.
Batay sa imbestigasyon, sinamahan lamang ng biktima ang nakatatanda nitong kasama para magpa-MRI nang pumasok ito sa loob ng silid habang may dalang oxygen cylinder.
Doon ay puwersahang hinigop na ng makina ang biktima dahilan para humampas ang katawan nito sa loob na nagdulot ng internal injuries.
Mahigpit na ipinagbabawal sa loobng MRI room ang lahat ng uri ng bakal dahil sa maaari itong higupin ng magnet ng naturang makina.
—-
