Libu-libo ang binibitay sa pamamagitan ng pagbigti sa Syria.
Ito ang lumabas sa ulat ng human rights watchdog na Amnesty International.
Ayon sa grupo, nangyari ang pagbitay na ito sa pagitan ng taong 2011 at 2015 kung saan sinasabing nasa dalawampu (20) hanggang limampu (50) katao ang binibitay kada linggo sa Sednaya Military Prison sa Damascus.
Ang lubos na nakababahala anila dito ay karamihan sa mga binibitay sa Syria ay mga sibilyan na sinasabing kontra sa mga pamamalakad ng Syrian government.
Bago bitayin, sinasabing paulit-ulit din munang tino-torture ang mga biktima at pinagkaitan ng tubig, pagkain at gamot.
By Ralph Obina
