Libingan ang kahahantungan ng ipinagpipilitan ni House Speaker Pantaleon Alvarez na “solo charter change” sa mababang kapulungang kongreso.
Ayon kay Drilon, mahalagang magkaroon ng isang posisyon ang upper at lower house para sa pag-amyenda sa saligang batas.
“Tama po yan at wala pong patutunguhan yan kundi sementeryo. Hindi po makakarating sa senado yan dahil ang nasa ating saligang batas, kailangan ng aksyon ng dalawang kapulungan- ang House of Representatives atsaka ang Senado. Pag pinapalitan natin ang pangalan ng kalsada o pangalan ng highschool, kailangan sumang ayon ang senado e, lalo na siguro sa saligang batas eh kailangan sumang ayon ang senado sa pamamagitan ng separate voting.”
Sa kabila nito, ibinalik ni Drilon kay Alvarez ang nauna nitong banat na may kanya-kanyang “political interest” ang mga senador na nais umanong makisawsaw sa constitutional assembly.
“Yung opinyon ng lahat ng mga dumulog sa hearing namin sa senado at mga respetadong mahistrado, si Chief Justice Puno, Chief Justice Davide, Chief Justice Azcuna, at dating pangulo ng senado Nene Pimentel, lahat po sinasabi hiwalay ang botohan, ang pagboboto ng senado sa kongreso kaya siguro, opinyon yan ni Alvarez, eh wala tayong magagawa dahil may interes naman sila na di matutuloy ang eleksyon at hahaba ang kanilang mga termino pero naiintindihan natin kung bakit pinipilit nila na sila nalang ang bumoto at wag nang isali ang senado.”
Iligal din anya ang gagawin ng kamara at posible ring makasuhan ang commission on elections kung gagawin ang plebesito.
“Hindi na po kailangan ideklara na ano dahil kung walang aksyon ang senado ay walang maidudulong sa publiko dahil hindi pwedeng magkaroon ng plebesito at wala pong public funds na pwedeng gagastusin sa iligal na plebesito at kung ang COMELEC ay gagawin nilang plebesito, sila po ay masasampahan ng kaso dahil lang sa gagastos sila ng pondo ng bansa nang walang pahintulot.”