Handa ang aktres na si Judy Ann Santos na muling gampanan ang kanyang papel bilang “Mara.”
Ito ang tugon ni Juday sa tanong kung sakaling magkaroon ng sequel ang pinaka-mahabang teleserye sa kasaysayan ng philippine showbiz na “Mara Clara”.
Gayunman, nilinaw ni Judy Ann na kung magkaroon man ng bagong istorya o sequel ay tiyak na “matanda na” si Mara at dapat ay may mga anak na ito.
Higit anya sa lahat ay hindi na maaaring apihin si Mara at “ipagtatanggol na niya” ang kanyang mga anak kung sila naman ang inaapi.
Sa orihinal na “Mara Clara” na umere simula noong 1992 hanggang 1997, ang karakter ni Juday na Mara ang laging inaapi ng kapatid na si Clara na ginampanan naman ni Gladys Reyes.
Samantala, abala ang 39- anyos na si Judy Ann sa plugging ng kanyang revenge-comedy film “Ang Dalawang Mrs. Reyes” kung saan co-star niya ang kapwa kapamilya na si Angelica Panganiban.
