Anim na ground crew members ng Clark International Airport ang sinuspinde at isinasailalim sa imbestigasyon matapos mawalan ng 82,000 Pesos na halaga ng mga gamit sa kanyang bagahe ang isang nagbabakasyong O.F.W. mula Canada.
Mananatili ang suspension order sa anim na empleyado ng ground handling company na MIASCOR Aviation Services hangga’t hindi natatapos ang imbestigasyon ng Clark International Airport Corporation.
Ayon kay C.I.A.C. O.I.C. at C.E.O. Alexander Cauguiran, posibleng naganap ang pagnanakaw habang nasa kamay ng mga ground crew ang baggage.
Disyembre a-bente tres nang dumating ang OFW habang kinabukasan dumating ang kanyang baggage pero Enero a-diyes lamang siya pinayagan na i-claim ang bagahe.
Mahaharap sa kaso ang mga MIASCOR crew member sakaling mapatunayang ninakaw nila ang mga nilalaman ng bagahe ng balikbayang Pinoy.
