Patay ang labing dalawang (12) turista matapos tumaob ang sinasakyang bus na maglilibot sana sa Mayan Ruins sa Southeastern Mexico.
Kabilang sa mga nasawi ang walong Amerikano, dalawang Suede, isang Canadian at tour guide na Mexican.
Sugatan naman sa aksidente ang labing walong iba pang turista at crew ng tourist bus.
Lumalabas sa imbestigasyon na naaksidente sa masikip na bahagi ng kalye ang nasabing tourist bus at tumaob.
Naipit ang mga biktima samantalang ang iba ay tuluyang tumilapon sa sasakyan.
Ang mga naturang turista ay pasahero ng Royal Carribean Celebrity Equinox at Serenade of the Seas na cruise ship at nasa Mexico para sa kanilang 7-day cruise.
—-
