Naghain na ng reklamo sa Quezon City Prosecutor’s Office ang taxi driver na sinampal ng isang galit na galit na babaeng motorista dahil sa away trapiko.
Kasong physical injury, unjust vexation at malicious mischief ang isinampang kaso ng taxi driver na si Virgilio Doctor laban sa motoristang si Cherish Sharmaine Interior.
Matatandaang nag – viral ang video ng pananampal ni Interior laban sa taxi driver na si Doctor, kung saan nakunan din ang pagsira ng babaeng motorista sa side mirror ng taxi.
Iginiit ng taxi driver na si Doctor na napikon at nairita si Interior nang bumusina siya dahil nagmamadali ang kanyang pasahero.
Kumuha din aniya si Interior ng golf club at pinaghahampas ang kanyang taxi.
