Lalong lumakas ang ispekulasyon na ipinagbubuntis ng Kapamilya star na si Ellen Adarna ang anak nila ng aktor na si John Lloyd Cruz.
Ito’y makaraang mamataan ng showbiz columnist na si Lolit Solis ang dalawa sa isang ospital para umano sa unang pre-natal check-up ni Ellen.
Ipinasilip pa ni Manay Lolit sa kanyang social media account ang mga larawang magkasama si Ellen at Lloydy.
Ito ang ikalawang rebelasyon ni Solis hinggil sa relasyon ng dalawa sa nakalipas na ilang linggo matapos ang kanyang isiniwalat na gumastos umano ang aktor ng 3 million pesos para sa engagement ring.
Gayunman, nananatiling tikom ang dalawa sa issue ng pagbubuntis at engagement.
