Pinayuhan ni Pangulong Rodrigo Duterte ang mga bagong talagang government official na iwaksi ang katiwalian upang maiwasan ang maging “hudas” na maaaring sumira sa kanyang tiwala sa kanila.
Ayon kay Pangulong Duterte, sa tuwing pumapasok sa serbisyo publiko ay mistulang si Hesu Kristo ang mga opisyal dahil sa malinis nilang hangarin subalit maaaring humantong sa pagiging “hudas” dahil sa korapsyon.
Nakaiinis anyang makita niya ang mga government official na mistulang si Kristo pero kanyang madidiskubre bandang huli na pawang hudas pala ang mga ito na kanya ring tinutugis.
Ipinaliwanag naman ng punong ehekutibo na ibinatay lamang niya ang kanyang payo mula sa anekdota hinggil sa Italian Renaissance artist na si Leonardo da Vinci na kilala sa painting nitong “last supper.”
Mistulang inihalintulad din ni Pangulong Duterte si Senador Antonio Trillanes kay Hudas Scariote.
Bandang huli ay hinimok ng Pangulo ang bagong appointed government official na iwasan hangga’t maaari ang tukso ng pera kahit sa kanyang panahon.