Nagdagdag na ng mga tauhan ang Manila Police District sa University of Santo Tomas para sa inaasahang dagsa ng mga tao ngayong huling araw ng bar exam.
Ayon kay MPD Spokesman Supt Erwin Margarejo, inaasahan na nila ang matinding traffic sa palibot ng UST kaya nagpadala na sila doon ng dagdag na traffic personnel .
Nagpakalat na rin anya sila ng mga pulis na naka sibilyan na magbabantay sa mga magkakalabang fraternities at sa mga establisymento na lalabag sa liquor ban.
Nakikipag ugnayan na rin ang MPD sa mga opisyales ng baranggay at sa mga security officers ng mga condominium building sa paligid ng unibersidad.