Ipinauubaya na ng Department of Transportation (DOTr) sa National Bureau of Investigation (NBI) ang paglalabas ng pahayag kaugnay sa imbestigasyon sa nangyaring paghiwalay ng bagon ng MRT – 3 noong nakaraang linggo.
Ayon kay Transportation Undersecetary for Railways Cesar Chavez, hawak na ng NBI ang kaso kaya sila na ang may pagpapasya ukol dito.
Noong Linggo ay nakipagpulong na ang pamunuan ng DOTr at MRT sa NBI na pinamunuan ni Special Action Unit Chief Atty. Joel Tovera.
Matatandaang noong nakaraang linggo ay muling umani ng batikos ang MRT makaraang humiwalay ang isa nitong bagon habang umaandar sa Ayala Station.
