Nahulog sa kamay ng mga ahente ng Philippine Drug Enforcement Agency o PDEA ang limang pinaghihinalaang drug pusher, kabilang ang tatlong miyembro ng Philippine Army, matapos ang isinagawang buy – bust operation sa Tagum City, Davao del Norte.
Nakilala ang mga suspek na sina Corporal Cristituto alyas “Mac”; Sgt. Alvin Binondo alyas “Vin”; at Corporal John Louie Segovia; CAFGU member na sina Rey Jay Mission; at Regie Impas alyas “RR”.
Nasakote ang mga ito ng PDEA Regional Office 11, local police, Task Force Davao, Task Force Tagum, at 7th Infantry Division ng Philippine Army habang nagbe – benta ng hinihinalang iligal na droga sa Purok Talisay, Seminary Drive, Tagum City.
Limang gramo ng umano’y shabu na nagkakahalaga ng P75,000.00 ang nakumpiska mula sa mga suspek, kabilang na dito ang tatlong units ng kalibre 45, pistol na may bala, dalawang motorsiklo at buy – bust money.
