Hinimok ni United Nations Secretary General Antonio Gutterez ang ASEAN o Association of Southeast Asian Nations na igalang ang karapatang pantao at isulong ang epektibong pagpapatupad ng batas.
Inihayag ito ni Gutterez sa ASEAN – UN Summit sa harap na rin ng babala ng chairman ng ASEAN na si Pangulong Rodrigo Duterte na hindi nito hahayaan ang ibang bansa na maki-alam sa war on drugs ng administrasyon.
Binigyang diin ni Gutterez na handa ang un na tumulong para labanan ang terorismo, transnational crimes, drug trafficking at iba pa sa kundisyong pahahalagahan at itataguyod ang karapatan ng bawat mamamayan.
Bigong makadalo kahapon ang chairman ng ASEAN na si Pangulong Rodrigo Duterte sa naturang pagpupulong sa halip, humarap duon si Foreign Affairs Secretary Alan Peter Cayetano.
SMW: RPE
