Nagpatupad na ng emergency measures ang lokal na pamahalaan ng New Delhi, India dahil sa bumabalot na white haze sa buong lungsod.
Bunga nito, kanselado na ang mga biyahe ng tren, eroplano habang kaliwa’t kanan din ang mga nagaganap na aksidente dahil sa halos hindi nagkakakitaan ang mga motorista.
Maliban dito, dumarami rin ang mga taong isinusugod sa mga ospital na karamiha’y dumadaing ng pananakit ng dibdib, hirap sa paghinga at pamumula ng mga mata.
Samantala, suspendido na ang lahat ng civic construction projects habang tinutugunan ng pamahalaan ang krisis sa polusyon sa naturang bansa.
