Simula sa Miyerkules, November 8, 2017 ay naka-full alert status na ang Philippine National Police o PNP para sa Association of Southeast Asian Nations o ASEAN Summit.
Ayon kay PNP Chief Ronald ‘Bato’ Dela Rosa, tatagal hanggang Nobyembre 15 ang full alert.
Ibig sabihin, pitong araw aniyang walang uwian ang mga pulis para sa ASEAN.
Ayon kay Bato pagaganahin sa panahong ito ang Reserved Standby Security Force sa Camp Crame na dadagdag sa mga tauhan ng ASEAN Task Force.
Kulang kasi aniya ang dagdag na 300 pulis na hinugot mula sa mga probinsya para sa ASEAN.
—-
