Nagmistulang parking lot ngayon ang mga kalye sa loob ng Loyola Memorial Park sa Marikina dahil sa dami ng mga sasakyang nakaparada.
Nagsimula na kasing dumagsa kahapon ang maraming pamilya sa sementeryo at piniling magpalipas ng gabi sa tabi ng mga puntod ng kanilang mga yumaong mahal sa buhay.
Karamihan sa mga nag – overnight ay may dalang tent dahil sa tuluy – tuloy na pag – ulan habang ang iba naman ay naki – silong na lang sa mga tinayong tolda.
Ganito rin ang naging eksena sa Manila Memorial Park sa Paranaque City simula kahapon.
Naging malaking problema ng mga bumibisita sa sementeryo ang parking dahil sa dami ng mga sasakyan.
Inaasahan namang dodoble pa ito ngayong araw ng mga patay.
