Pinamamadali na ni Senadora Nancy Binay sa militar at pulisya ang clearing operations sa main battle area gayundin sa mga apektadong barangay ng Marawi City.
Ayon kay Binay, ito’y para agad nang masimulan ang reconstruction at rehabilitation sa Marawi City mula sa limang buwang bakbakan kontra Maute Terror Group.
Binigyang diin ng Senadora na mahalaga ang dagdag na explosive ordinance disposal units o bomb squad na isinasagawang clearing operations para masuyod kung mayruon pang naiiiwang mga pampasabog o patibong ang mga terorista.
Dapat din aniyang matiyak ang kaligtasan ng lahat ng mga magta-trabaho para sa rehabilitasyon ng lungsod bukod pa sa mga bakwit na sama-samang gagalaw para sa muling pagbangon ng kanilang lungsod.
