Binigyang diin ni Armed Forces of the Philippines o AFP Spokesman Major General Restituto Padilla na hindi pa nababanggit ni Pangulong Rodrigo Duterte sa tropa ng pamahalaan ang plano nitong magdeklara ng revolutionary government.
Ayon kay Padilla, nakatuon lamang ngayon ang kanilang atensyon sa pagsugpo ng mga terorista sa Mindanao partikular na sa Marawi City.
Dagdag pa ni Padilla, abala rin ang pamahalaan sa pagsasaayos at muling pagbangon ng lungsod na lubhang nawasak ng halos limang buwang bakbakan sa pagitan ng mga sundalo at grupong Maute.
Matatandaang nagbanta si Pangulong Duterte na magdedeklara ng revolutionary government sa gitna ng mga umano’y ikinakasang destabilisasyon laban sa kanyang administrasyon.
—-
