Aminado ang DENR o Department of Environment and Natural Resources na hindi kakayanin ng Rodriguez landfill sa Rizal ang apat hanggang anim na toneladang basura na kinukolekta sa Metro Manila araw-araw.
Ito ang inihayag ni Environment Secretary Roy Cimatu matapos ipag-utos nito na sa naturang landfill sa Rizal muna itapon ang lahat ng mga basura ng Metro Manila makaraaang ipasara ang landfill sa Payatas, Quezon city gayundin sa Navotas.
Binigyang diin ng kalihim na hanggang sa taong 2022 lamang ang buhay ng Rodriguez landfill kaya’t problema aniya nila sa ngayon kung saan susunod na itatapon ang mga basura ng Metro Manila.
Lubhang mapanganib na rin ayon kay Cimatu kung pipilitin pa nilang buksan ang mga landfill sa Payatas at Navotas kaya’t nangangamba siyang bumaho sa Metro Manila sa mga susunod na panahon.
