Nagpapasalamat ang Philippine National Police o PNP sa suporta ng publiko sa 15-buwang kampanya nila kontra iligal na droga.
Ito’y matapos lumabas sa Pulse Asia survey na 8 sa kada 10 Pilipino ang sumusporta sa war on drugs ng administrasyong Duterte.
Ayon kay PNP Spokesman Chief Superintendent Dionardo Carlos, iniaalay nila ang pagkilalang ito sa mga pulis na nagbuwis ng buhay sa giyera kontra droga.
Bagama’t wala na aniya sila sa war on drugs, tiniyak ng PNP na tutulungan pa rin nila ang PDEA sa pagsugpo ng droga sa pamamagitan ng pagpapakalat ng maraming pulis sa lansangan at pagbabahagi ng mga nakukuha nila drug related intelligence.
—-
