Bumuwelta si Atty. Bonifacio Alentajan sa pahayag na mali ang sinunod nitong proseso sa paghahain ng motion to implead Budget Secretary Butch Abad sa pork barrel scam bilang principal accused.
Sinabi ni Alentajan na hindi maaaring sa ibang korte o kaya ay sa Office of the Ombudsman niya ihain ang mosyon dahil mayroon nang korte na may hawak sa kaso na kinasasangkutan nina Janet Lim Napoles at ng 3 senador.
Iginiit ni Alentajan na nararapat lamang na makasama si Abad sa kaso lalo na at ang mga tao sa ilalim nito sa Department of Budget ay una nang napabilang sa kaso.
Nakatakda ang pagdinig sa mosyon ni Alentajan sa Agosto 27, araw ng Huwebes.
“Ang kaso na ‘yan ay nasa Sandiganbayan na, hindi maaaring i-file mo sa ibang opisina o ibang ahensya ang motion tungkol diyan sa kaso na ‘yan, ma-cocontempt ka, tapos na sa Ombudsman ‘yan eh, naka-file na nga sa Sandiganbayan.” Paliwanag ni Alentajan.