Hinamon ni Pangulong Rodrigo Duterte ang mga international group at ilang bansa na tanggalin na ang Pilipinas sa United Nations.
Sa pagharap ni Pangulong Duterte sa mga mamamahayag sa inagurasyon ng bagong media briefing sa Malacañang, iginiit ng punong ehekutibo na hindi papayagan ng ibang bansa maging ng ASEAN na tanggalin ang Pilipinas sa U.N.
Tiyak anyang daraan sa butas ng karayom ang anumang panawagan ng mga international group na sipain ang Pilipinas sa nabanggit na organisasyon dahil lamang sa war on drugs ng gobyerno.
