Mariing itinanggi ni Senador Antonio Trillanes IV ang akusasyon ni Pangulong Rodrigo Duterte.
Ito ay matapos sabihin ni Pangulong Duterte na karelasyon ng senador ang isang dating opisyal sa AMLC o Anti-Money Laundering Council.
Ang ang tinutukoy na opisyal ng Pangulo ay ang Executive Director ng AMLC na si Atty. Julia Bacay – Abad, na aniya’y nagsu-suplay ng mga impormasyon sa senador kaugnay sa kanyang bank records.
Ani Trillanes, nakakalungkot na may iba pang taong nadadamay katulad ni Abad na kilalalang disente at pamilyadong tao.
Mensahe ni Trillanes sa Pangulo, huwag idaan sa pambabastos ang pag-iwas nito sa tunay na isyu, kung saan aniya, may bilyun-bilyong pera ito sa bangko.
Si Abad ay nag-resign sa AMLC nitong Enero lamang.
