Naniniwala ang abogado ng pamilya Castillo na mayroong cover-up sa kaso ni Horacio ‘Atio’ Castillo III.
Sinabi ni Atty. Lorna Kapunan na marami silang nakitang iregularidad at kuwestyonable hinggil sa nangyaring pagkamatay ni Atio mula sa hazing.
Kabilang dito aniya ang hindi kaagad pakikipag-ugnayan ni University of Santo Tomas (UST) Faculty of Civil Law Dean Nilo Divina sa mga magulang ni Atio matapos mabatid ang sinapit ng freshman law student.
Kasabay nito, ipinaabot ni Kapunan ang patuloy na panawagan ng pamilya Castillo sa mga sangkot o may kinalaman sa hazing kay Atio na lumantad na at makipag-tulungan sa imbestigasyon.
