Nagsagawa ng airstrike ang militar sa isla ng balt na sakop ng Bacolod-Kalawi, Lanao del Norte.
Ayon kay Bacolod-Kalawi Mayor Mohaimen Dipatuan agad siyang nakipag-ugnayan sa militar matapos mamataan ang grupo ng mga armadong lalaki na nagtungo sa isla sakay ng apat na mga bangka.
Sinabi naman ng militar na posibleng dagdag puwersa ito ng Maute-ISIS group na naiipit na sa main battle area sa Marawi City.
Sa kasalukuyan ay naghihintay pa ng opisyal na ulat ang militar mula sa kanilang mga tauhan sa nasabing isla kung may nasawing kalaban sa kanilang isinagawang airstrike.
Kasunod nito, naghigpit na ng seguridad ang Philippine Navy sa paligid ng isla at inalerto na rin ang ipa pang peace keeping force ng pamahalaan.
Ang isla ng Balt sa Bacolod-Kalawi ay dalawampung kilometro lamang ang layo mula sa Marawi City.
—-
