Pinag – aaralan ng CHED o Commission on Higher Education ang pagsasampa ng kasong Usurpation of Authority laban kay CHED Executive Director Julito Vitriolo.
Ayon kay CHED Chairperson Patricia Licuanan, hindi pa puwedeng bumalik sa CHED si Vitriolo dahil nakaupo pa rin si Executive Director Karol Mark Yee na itinalaga ng Pangulong Rodrigo Duterte matapos sibakin ng Office of the Ombudsman si Vitriolo.
Ipinaliwanag ni Licuanan na hindi pa maituturing na pinal ang desisyon ng CA o Court of Appeals na nagpapabalik kay Vitriolo sa kaniyang posisyon sa CHED dahil puwede pa itong i – apela sa Korte Suprema.
Sa ngayon aniya ay kuwestyunable ang pagpirma ni Vitriolo sa mga dokumento ganun din ang pagsasalita nito para sa CHED.
PAKINGGAN: Bahagi ng pahayag ni CHED Chairperson Patricia Licuanan
