Nagsimula nang gumulong ang summary dismissal hearing laban sa labing anim (16) na Pulis – Caloocan na sangkot sa pagkamatay ni Kian Loyd Delos Santos.
Kabilang sa mga dumalo sa PNP – IAS o Philippine National Police – Internal Affairs Service sina PO3 Arnel Oares, PO1 Jeremias Pereda at PO1 Jerwin Cruz na sangkot sa police operation na ikinasawi ni Kian.
Nahaharap ang nabanggit na mga pulis sa kasong administratibo na Grave Misconduct, Serious Irregularity in the Performance of Duty at Serious Neglect of Duty.
Inaasahang lalabas sa loob ng dalawang linggo mula ngayon ang hatol laban sa mga pulis na isusumite naman kay PNP Chief Ronald ‘Bato’ Dela Rosa para sa pinal na desisyon.
(Ulat ni Jonathan Andal)
_____
