Naging malungkot ang huling hapunan ng magkaibigang sina dating Senador Jinggoy Estrada at Bong Revilla sa PNP o Philippine National Police Custodial Center kagabi.
Ito ay dahil sa pansamantalang paglaya ni Estrada matapos syang payagan ng Sandiganbayan na makapagpiyansa sa kasong plunder kaugnay sa pagkakasangkot sa pork barrel fund scam.
Ayon kay Atty. Alexis Abastillas, nagpaalam na si Jinggoy sa kanyang kaibigan na kanyang nakasama sa nakalipas na tatlong taon sa loob ng kulungan.
Matatandaang taong 2014 nang makulong ang dalawa kasama si Senador Juan Ponce Enrile na una nang pinalaya ng korte.
Ngayong araw, sa paglabas ni Jinggoy sa PNP Custodial Center ay mahigpit na nagyakap ang magkaibigan.
VIDEO / PHOTO Credit: Janella Estrada
