Nagulat ang Kapuso actress na si Marian Rivera sa ginawang pag-amin ng kaniyang kaibigan na si Ai-Ai delas Alas kaugnay sa magiging regalo nito sa kasal ng komedyante.
Noong nakaraang araw ay excited na ibinahagi ni Ai-Ai na si Marian umano ang sasagot sa kaniyang wedding gown na gagawin ng fashion designer na si Frederick Peralta.
Natatawa namang sinabi ni Marian na dapat sekreto lamang ang naturang regalo.
Sinabi din ng aktres na hiniling ng comedienne na siya ang gumawa ng kaniyang wedding bouquet.
Si Marian at asawang si Dingdong Dantes ang magsisilbing veil sponsors sa kasal nina Ai-Ai at fiancé nitong si Gerald na gaganapin sa Disyembre 12.
______
