Hindi maiwasan ni Robin Padilla na madismaya matapos siyang maharang sa kaniyang pagbiyahe na patungo sana sa bansang China.
Batay sa salaysay ng aktor sa kaniyang post sa social media, sinabi nitong pinigilan siyang umalis ng bansa dahil sa hold departure order na inilabas ng BI or Bureau of immigration laban sa kaniya.
Nagtataka si Robin kung bakit nagkakaproblema ngayong gayong binigyan na siya ng absolute pardon ng Pangulong Rodrigo Duterte noong Nobyembre ng nakaraang taon.
Nakiusap ang aktor na kung ang Pangulong Duterte ay binigyan na siya ng pagkakataon, sana naman ang mga ahensyang nasa ilalim nito ay bigyan din siya ng kahalintulad na kortesiya.
Magtutungo umano si Robin sa China batay na rin sa imbitasyon ng prinsesa ng Sultanate of Sulu upang saksihan ang pagdiriwang ng matibay na relasyon ng China at sultanato.
