Pinabulaanan ng DND o Department of National Defense na may nagaganap na negosasyon sa pagitan ng pamahalaan at grupong Maute.
Kasabay ito ng lumabas na text message ni dating marawi City Mayor Omar Solitario na kailangang palayain muna ang mga natitirang terorista sa Marawi City bago pakawalan ang mga natitirang bihag nito.
Ayon kay Defense Secretary Delfin Lorenzana, sakali mang totoo ang hinihihingi nilang kundisyon ay huli na para pagbigyan nila ito dahil marami na aniya ang nasawi sa giyera.
Sa ngayon, patuloy ang isinasagawang operasyon ng militar laban sa grupong Maute upang tuluyan nang matapos ang kaguluhan sa Marawi.
