Hinihintay na lamang ng House Committee on Justice ang referral sa kanila ng tanggapan ni House Speaker Pantaleon Alvarez kaugnay sa dalawang inihaing impeachment complaint laban kay Supreme Court Chief Justice Maria Lourdes Sereno.
Kaugnay nito, sinabi ni House Justice Committee Chairman at Mindoro rep. Reynaldo Umali na posible naman aniyang pag-isahin na lamang ang pagdinig ng komite sa dalawang magkahiwalay na reklamo.
Ayon kay Umali, bubuo sila ng consolidated report at articles of impeachment sakaling mapatunayang sufficient in form and substance ang mga reklamo laban sa punong mahistrado at matukoy kung may probable cause dito.
Sunod nito’y i-aakyat na nila sa plenaryo ang nasabing reklamo upang idaan sa debate at pagbobotohan kung nararapat na itong i-akyat sa senado na siya namang tatayo bilang impeachment court.
By: Jaymark Dagala
SMW: RPE
