Naaresto ng pinagsanib na pwersa ng 39th Infantry Battalion ng Philippine Army at Kidapawan City Police ang dalawang hinihinalang miyembro ng NPA o New People’s Army sa Barangay Katipunan sa naturang lungsod.
Ayon kay Lt. Col. Harold Argamosa ng 39th Infantry Battalion, nadakip ang mga suspek na sina Wowie Boton at George Cuyo sa ikinasang operasyon ng mga awtoridad sa tinutuluyang bahay ng mga ito.
Nakuha naman mula sa mga suspek ang aabot sa 30 armalite rifles, bandila ng NPA at ilang mga dokumento na mag-uugnay sa dalawa sa rebeldeng grupo.
Sa kasalukuyan ay nagpapatuloy pa ang imbestigasyon sa dalawang suspek na pinaniniwalaang may gagawing masamang plano sa Kidapawan City.
By Krista de Dios
